طرق لعمل اطباق متنوعة من الماكولات البحرية

كيفية صنع الكابوريا المخلية وبارقى واسهل الطرق
ــــــــــــــــــــــــــــــــــــــــــــــ

اولا نظرا لن الكابوريا والجمبرا من اهم انواع الاسماك المليئة بالفسفور

1* نقوم بشراء الكمية المطلوبة على حسب العدد مع مراعاة ان الكيلو جرام يكفى لعدد اربع اشخاص
2*ناتى بالكابوريا ونضعها فى ايناء او حلة ونقوم بوضعها على النار لمدة عشر دقائق وبعد ذلك ناخذ الكابوريا ونقوم بأخلائها من الداخل بمعنى استخراج اللحم الموجود بداخل حبة الكابوريا مع الاحتفاظ بغطاء الكابوريا الغطاء الموجود على ظهر الكابويا ولونة احمر فاتح
وبعد استخراج اللحم الموجود بداخلها يوضع فى طبق واكيد الكمية سوف تكون قليلة ؟؟
والحل لزيادة الكمية ولتقديم طبق شهى وبكمية معقولة اتبع الشرح التالى
نأتى بعدد 2 حبة بطاطس( مسلوقة جيدا) مع التوابل واهم نوع من انواع التوابل هى الكمون ولابد من وجود الكمون المطحون فى اى نوع من انواع الاسماك
الان نضع البطاطس مع اللحم المستخرج من حبات الكابوريا ومع الملح والتوابل وتكون التوابل مكونة من
(فص ثوم مطحون &فلفل اسود حسب الطلب &الكمون &الكرفس الاخضر المقطع الى اجزاء صغيرة &واكيد الملح &والى يحب زيادة توابل ممكن وضع كسبرة )

اهم جزء فى اى نوع من انواع الاكل والتى يتميز بها اصحاب المحلات التجارية
هى المنظر الاخير للطبق وكيفية تزينة لشد او جذب انتباه الناس
الان ناتى بغطاء الكابوريا والذى اخرجناة من ظهر حبة الكابوريا
وبعد خلط البطاطس مع التوابل مع لحم الكابوريا هو الان شبة جاهز للاكل
نضع الخلطة بداخل غطاء الكابوريا بحيث يكون اللون الاحمر من الغطاء اسفل وتوضع الخلطة بداخلة
وناتى لاهم جزء وهو دهان الخلطة بزبدة صفرة ناتى بذبدة صفراء او بلدى على حسب مزاق أي شخص
وندهن الخلطة ثم توضع فى الفرن لمدة خمس دقائق
وبعد كدة بألف هنا وشفاء

الطبق الثانى
ــــــــــــ

شوربة السيفود
ـــــــــــــــ
المكونات (ربع كيلو جمبرى لحم صغير &ربع كيلو فيلية لحم من سمك الوقار افضل شئ او -فيلية بلطى او فيلية قشر بياض واى محل سمك او سماك يعرف الانواع دى&ربع كيلو صبيط او كاليمارى مقطع مكعبات &ربع كيلو جندوفلى ولة اسم تانى وهو بكلاويذ &ربع كيلو كابوريا ذكر لانها ارخص من الانثى فى السوق& 200 جرام زبدة صفراء&نصف كيلو لبن )
اولا :- هناك شئ مهم لاتخافو من وجود اللبن مع السمك واكيد ناس كتير تستغرب الموضوع دة بس بعد التجربة هتغير رأيك اكيد لان ما تحتوية الشوربة من فيسفور عالى جدا ويصل لدرجة انك لو فى شهر طوبة يعنى درجة البرودة عالية جدا يمكنك ان تخرج من بيتك وانت مصيف لان الشربة تعطى حرارة عالية للجسم من شدة الفسفور

الطريقة

اولا :- نضع قليل من الزيت فى ايناء ونضع على الزيت مستكة وحبهان ومرقة دجاج واى توابل على حسب مزاج الباشا جوزك طبعا
ناتى بالمكونات التى ذكرت وتوضع فى نفس الاناء وتقلب جيد وهناك من لا يحب راحة السمك لان المكونات اكيد بيكون ليها رائحة ممكن نحل المشكلة بكل بساطة بعد تقليب المكونات مع الحبهان والمستكة والتواب لنضع ماء ليغطى كمية المكونات الموجودة ونقوم باخلاء المكونات بعد غليان الماء مباشرتا وتتخلصى من الماء وتضعى ماء جديد وبهذا نكون تخلصنا من رائحة السمك من ثم تترك على النار حتى تنضج مع بعضها ويتم معرفة هذا بالضغط على السبيط المكعبات لانها تحتاج الى بعض الوقت لتنضج وتقدير الوقت حوالى عشر دقائق
نترك المكونات على النار وناتى بايناء اخر او حلة اخرى ونضع يها الزبدة حتى تسيح وناتى بفص ثوم مطحون ويوضع فى الزبدة حتى يبدء الثوم فى الاحمرار نضع اللبن
ومع اول غليان لللبن نرفع الايناء من على النار والان اهم نضع اللبن على المكونات والتى اصبحت ناضجة الان وتاكدى ان الماء يغلى جيدا
ضعى اللبن الان على المكونات وتاكدى عدم وضع اى شى بة ماء مثل معلقة او مغرفة او اى شى لان اللبن ممكن يقطع
مع اول غليان للمكونات واللبن ارفعى الاناء او اغلقى النار من على الشوربة وبأ لف هنا وشفا
لا تنسى وضع الملح طبعا ولو عاوزة طعم اجمل ضعى القليل من الكرفس الاخضر المقطع وتأكدى من عدم وجود ماء فى الكرفس

بألف هنا وصحة



الطبق الثالث
ـــــــــــــ

طريقة عمل الجمبرى (مشوى فحم *مسلوق*مقلى *مشوى خلطة)


اولا :- مشوى فحم بعد شراء الكمية المطلوبة على حسب عدد الافراد اهم شى فى الجمبرى وخصوصا لو كان حجمة كبير يوجد فى ظهر حبة الجمبرى حبل يسمى(حبل المعدة)
وطبعا لازم نشيل المعدة لان اكثر الوقت بيكون غذاء الحمبرى الاساسى طمى او رمال او اى شئ المهم تنذع المعدة عن طريق سكين ويفتح الظهر وتنظف حبة الجمبرى
بعد كدة تكونى مجهزة خلطة اى نوع من التوابل على حسب ما تحب كل ست بيت والمكونات العامة (بصل مقطع ناعم جدا -ملح-كمون -فلفل اسود -قليل من القرفة-كسبرة خضراء -
فلفل اخضر مقطع ناعم جدا )
يوجد فى الاسواق (خلة)عباره عن اسياخ من الخشب صغيرة واكيد الكل يعرفها
تجيبى الخلطة ونحشى الظهر بامكونات السابقة وبعد كدة تجيبى (الخلة) ويتم ادخال حبة الجمبرى من الفم حتى الزيل سيكون هناك مسافة من اسياخ الخشب او (الخلة)
يمكن تجميلها بأي شئ مثل فلفل اخضر مقطع شرائح او طماطم مقطع شرائح
وبعد كدة توضع حبات الجمبرى على فحم ويكون بين الجمبرى والفحم شبكة حديد وتقلبى حتى النضج
وبألف هنا


الطريقة الثانية
ـــــــــــــــ
الطاجن او الخلطة
ـــــــــــــــ
جهزى خلطة الطاجن وهى مكونة من (بطل شرائح - فلفل اخضر شرائح - طماطم شرائح -والتوابل وممكن زى الى قولتها ف الطريقة السابقة )
يوضع الزيت فى الاناء او الحلة ويوضع البصل اولا حتى يصفر حطى الفلفل لان الفلفل لا يحتاج الى نار زيادة حتى بنضج قلبى لمدة دقيقة ثم ضعى الطماطم او صلصة
قلبى لمدة دقيقة ثم الجمبرى والتوابل وقلبى الجمبرى مع الخلطة ثم ضعى قليل من الماء لمدة سبع دقائق تقريبا
وفى بعض الناس يحب شربة الجمبرى واكيد ناس كتير ما تعرف قيمة شربة الجمبرى لو عاوز شربة ضعى ماء على حسب كمية الشوربة المطلوبة
وبعد نضج الجمبرى صفى الشوربة الموجودة وضعى الجمبرى بالخلطة فى طبف وضعى عليها كسبرة ناشقة وكسبرة خضرة
والف هنا


الطريقة الثالثة
ـــــــــــــــ
الجمبرى المسلوق
وهذة الطريقة سهلة جدا كل ما عليكى تجيبى جمبرى لحم مش بقشرة
تضعى فى ايناء او حلة زيت وفص ثوم مقطع صغير يوضع فى الزيت حتى يحمر ضعى الجمبرى اللحم وقلبى جيدا الجمبرى بينزل مية منة افضلى قلبى وضعى الملح والتوابل الى انتى حباها
وقلبى حتى تنضج حوالى عشر دقائق
ثم ضعى الجمبرى فى طبق واعصر ى علية ليمونة فقط
وبألف هنا


الطريقة الاخيرة المقلى

واكيد اطعم طريقة فى الجمبرى

هتجينى جمبرى لحم مش بقشرة
هناك ثلاث خطواط مهمة لا يعرفها الى القليل لجعل الجمبرى المقلى اجمل واطعم من المحلات سوف ازكرها فى الشرح
بعد ما تجيبى الجمبرى اللحم تعملى تتبيلة ودى غير توابل المشوى المكونات
(ثوم -فلفل الوان او اخضر عادى -كمون - قرفة -كسبرة ناشفة مطحونة -شطة -قليل جدا من الخل -بهار سمك ان وجد او مش لازم)
اى بيت اكيد فية مفرمة توضع المكونات فى المفرمة وتفرم جيدا ويوضع الجمبرى لمدة نصف ساعة على الاقل
بعد كدة يوضع الجمبرى فى الدقيق لمدة خمس دقائق على الاقل
اول خطوة (التصبيع)بمعنى ان تأتى بحبة الجمبرى وتوضع بين اليد وتصبع (مثل طريقة الكفتة)لان حبة الجمبرى طبيعيا تكون هلى شكل حرف واو
لاكن بعد (التصبيع ) تكون شكل حرف الالف تشرب الدقيق بعد التصبيع
ثانى خطوة السقية وهى عبارة عن دقيق وماء يعنى لو نصف كيلو دقيق يوضع علية نصف لتر ماء الان تاتي بالجمبرى
وتضعى الجمبرى فى السقية ويكون الزيت جاهر
بمعنى تضعى الجمبرى فى السقية ثم تأخذيها على الزيت بسرعة فأدة التصبيع والسقية لان كثير من النساء بعد وضع الجمبرى فى الدقيق تضعة على الزيت مباشرتا
وهذا خطا لان الجمبرى بيكون على شكل رقم خمسة بعكس المحلات وبعدم السقية يتقشر الجمبرى من الدقيق ويكون شكلة وحش
المهم بعد ما يخرج من الزيت وتعرفى ان نضج لما يعوم على وش الزيت تخرجى الجمبرى
الخطوة الثالثة عبارة عن فلفل اخضر وفص واحد ثوم وليمون وقسبرة ناشفة وملح وماء وتفرم فى الخلاط
وفائدة هذة الخطوة تعطى نكهة وطعم خطير للجمبرى تخرجى الجمبرى من الزيت بعد النضوج وتضعى علية هذة التتبيلة