الرئيسية
من طرف زيديني بالدمعات للدمعهَ محتاز
ورجعي صدى الاهات يادار الاعزاز
بلكت نسوا تصوير فوك الحياطين!
الدار المشوا طبيت والدمعه بالعين
ناحت ابوسط الدار روحي ابولمهه
وبعتبة الماشين رادتني اطمهه
ابابج لاضل ناطور وافني شبابي
يادار أشمن بيج ريحة احبابي
عنج مشوا يا دار وبهل مسيه
خل نكعد أنه اوياج نبجي سويه
مسكينه بس اتنوح منتظره غياب
افكدهه والكه الروح يم عتبة الباب
خل اليلوم ايلوم مجبور امر بيج
ويوميه بالدمعات يادار اواسيج
مثل الطيور اتحوم روحي اعله دارك
وبكًلبي شبت نار مر طفي نارك
عيني العمه إولا اشوف دارك خليه
من غربت لليوم شمسوي بيه
اصرخ ابنص الدار يرجع صداهه
اتجاوبني بس الموت روحك دواهه
جن ذكرى الي الضحكات وبداره ضمها
يا ضحكته الهل يوم واسمع نغمها
يوم المشوا يا دار خلوني مجنون
وحجايه للعذال ويه اليلومون
زارع ابابج عين لو للمنيه
وانتظر هلبت يوم ردوا عليه
دَعميهن إوترتاح شلك بالعيون!!
يالساعدي الماشين ما ظن يرجعون
