الرئيسية
من طرف يا ظلمني
كلمات الشاعر أحمد رامى, الحان الموسيقار رياض السنباطي
يا ظالمنى يا هاجرنى وقلبى من رضاك محروم
تلوّعنى وتكوينى تحيرنى وتضنينى
ولما أشكى تخاصمنى وتغضب لما أقول لك يوم
يا ظالمنى
***
حرام تهجر وتتجنى وتنسى كل ما جرى لى
وأقضى العمر أتمنى يصادف يوم وتصفى لى
صبرت سنين على صدك وقاسيت الضنى فى بعدك
عشان تعطف على يوم
وتهجرنى وتنسانى وتتركنى لأشجانى
ولما أشكى تخاصمنى وتغضب لما أقول لك يوم
يا ظالمنى
***
أطاوع فى هواك قلبى وأنسى الكل علشانك
وأدوق المر فى حبى بكاس صدك وهجرانك
ويزداد الجوى بى يبان الدمع فى عينىّ
ويكتر فى هواك اللوم
و أبات أبكى على حالي وتفرح في عذالي
ولما أشكى تخاصمني وتغضب لما أقول لك يوم
يا المنى
***
حكيت لك عن سبب أوحى ونار الوجد فى دموعى
وبان للناس ضنى روحى وتعذيبى وتلويعى
رحمنى اللى فرح فىّ وبعد اللوم رأف بىّ
وقلبك ما رحمنى يوم
بقى العازل يدوق كاسى وقلبك يا ضنين قاسى
ولما أشكى تخاصمنى وتغضب لما أقول لك يوم
يا ظالمنى
