قالوا هاميس

قالوا هاميس 00000
محكوم عليكى بالبعاد
والذنب
طفلة صغيرة
كل القلوب من حقها تعشق
و قلبك 00000
له ميعاد
لسة ساعاته
مأخرة
سجنونى فى حكم الطفولة
وقالوا مات
قلبك
تعالى إبكى عليه
و انسيه شوية من ازمن
هنردوهولك يوم
ما هتعدى السنين
او حتى نديكى التمن
عملوا مزاد
وبيشتروا
قلبى و عمرى
وهما لك
ولا ارضى فى بعدك تمن
ولا حتى لحظة من الزمن
بتعدى
الا اندهك
واحن لك
يا ملك فى قلبى
والبشر
بعدك عبيد

ما يأمروا
الأمر لك
يا نجم عالى
فى السما
ما يوصلوا له
انا كلى لك
الله لا يسامحهم
هاميس
.......................
حكموا عليا
وقاوا مشمول بالنفاذ
و النقض فات
يا صغيرة
حكم الجهالة المطلقة
و ازاى بيحكم
اللى ميت
عاللى عاش
هتعيش فى قلبى
مشمول بالنفاذ
والنقض فات
ملك على كل الورى
هاميس

.....................

اليه
الى الأمل
الى الحياة
الى من اضاء طريقى و منحنى
الاحساس بالأمان
الى الذى يعلم من هو
اليه اهدى حبى و كلماتى
هاميس

.......................

رمو لى طوق فى بحر هواك
وقال عايزينى امسك فيه
بدل ما اغرق
وانا غرقانة فى عيونك
ليالى طوال
ومش ندمانة يا عمرى
وفين اهرب
ما كل الدنيا فى عيونى
ضيا نورك
شهيدة فى العيون السود
فدا قربك
احيينى لحظة بين شفايفك
او سنين
انا كلى لك
سكننى فى قلبك معذبنى الحنين
وبيندهك
يا دنيا يا سيرك البشر
والوش فوق الوش
والقلب انكسر

من ظلمهم
من جهلهم
قال ايه مدى عمرك قليل
والحب فى قلبك
مسيره يضيع هدر
يا بشر وعمياها الحياة
اصحوا بقة
ولا بعد ميت مليون سنة
انساك و اتوه وسط الزحام
هتعيش فى قلبى
ملك على كل البشر
هاميس