1929ق.م
هجوم الهكسوس علي مصر..
طبعا كلنا عارفين القصة دي..بس لما نيجي نلعب ف التاريخ اكيد هتتغير!!
الهكسوس دخلوا مصر علشان احمد عرابي معندوش رصيد!!
اها..متتصدمش كدا..انا هحكيلك الحكاية كلها
اول ما سعد زغلول عرف الهكسوس ناويين يهاجموا مصر من الشرق
( وعلي فكرة القناة الاولي مقلتش كدا )
هوا كان بيتفرج علي السي ان ان!!
جمع كل الناس و خد رأيهم
ووصلوا لحل
جابوا احمد عرابي و قالولة لما تلاقي الهكسوس داخلين و معاهم الحملة الفرنسية
ابعت مسج لسعد و هيكون جاهز بجيشة من قناة السويس
و طبعا كنوع من الاحتياط جاب موبايل 6680 علشان الشحن
و يتنطط بية قدام الجيش اللي كان معاه 3310 بس
و المهم الحج عرابي دا كان ديما يصوت ف ستار اكاديمي
و كان بيشيت ف ميلودي ..و كان ديما بيشترك ف مسابقات التلفزيون.. ( كاتو نيله )
فالرصيد بتاعة اتدمر..
المهم
الجنود كرهوا الموبايلات بسببة و رموهم ف بير مسعود
و بعد كدا
جة عمك عرابي شاف الهكسوس بيجروا و ف ايدهم مسدسات خرز و فلين
اتخض ف البداية
بس مسك نفسة و جة بيبعت الرسالة دي:
من عرابي لسعد زغلول..
جيش الهكسوس جي بقيادة القائد عرق سوس
و معاه عمنا مبارك..ماسك سلسلة فضة..و عمال يلوح بيها..
و عتاد الجيش كالاتي:
- امواس-مطاوي-سيوف-بنادق خرز-و مسدسات خرز برضة-
اعمل اية بس؟تعالي يا نجم بسرعة..انا معييش غير 200 جندي مبيعرفوش غير يلعبوا بالجيم بوي!!"
عمك عرابي جية يبعت الرسالة..
لقي مكتوب
"عفوا لقد نفذ رصيدكم يرجي اعادة شحن البطاقة.."
طبعا لهكسوس اقتحموا مصر و اغتالوا الريس رمسيس الاول..بعد عمر يناهز ال 14 سنة كدا..
و علي فكرة:
لازم نتعلم حاجة مهمة..شحن البطاقة واجب وطني